Ne zbatim të Ligjit nr. 146/2012 “Per njoftimin dhe konsultimin publik” pika 1 dhe 2 neni 5, Ligjit Nr.75/2019 “Per Rininë”, nenit 1-7, të si dhe ligjit nr.139/2015 “Per veteqeverisjen vendore”, neni 18 dhe VKB-ne Nr.70 date 14.12.2021 “Per miratimin e kalendarit te pergatitjes se PBA-se 2023-2025 dhe Buxhetin vjetor 2023″.
Bashkia Berat ben njoftimin si me poshte:
Diten e Mërkurë, date 02.11.2022 ora 11:00, do të zhvillohet dëgjesa me të rinj dhe të reja për të diskutuar mbi prioritetet buxhetore të Bashkisë Berat në fushën e rinisë. Takimi do të zhvillohet në Qendrën Multifunksionale Rinore Berat.
Konform parashikimeve që përmban neni 7 i Ligjit Nr. 75/2019 “PËR RININË”, njësitë e vetëqeverisjes vendore, në përputhje me funksionet e tyre, hartojnë dhe zbatojnë politikat vendore në fushën e rinisë, si dhe janë përgjegjëse për:
a) pasqyrimin dhe respektimin e të drejtave të të rinjve, duke përcaktuar objektivat dhe prioritetet, si dhe të garantojnë zbatimin e tyre;
b) krijimin e këshillit vendor të rinisë;
c) organizimin dhe koordinimin e veprimtarive që synojnë arritjen e objektivave vendore në fushën e mbrojtjes dhe të fuqizimit të të rinjve;
ç) organizimin dhe ofrimin e veprimtarive për të mbështetur mirëqenien dhe zhvillimin e të rinjve;
d) nxitjen e vullnetarizmit të të rinjve dhe edukimin joformal të tyre;
dh) financimin e krijimit dhe të zhvillimit të infrastrukturës rinore dhe të hapësirave rinore të sigurta;
e) krijimin e strukturave administrative për çështjet e rinisë;
ë) parashikimin, në buxhetet e tyre, të fondeve për realizimin progresiv të të drejtave të të rinjve për zhvillimin e projekteve, programeve dhe veprimtarive rinore;
f) mbledhjen, analizimin dhe raportimin e të dhënave, në bashkëpunim me institucionet e tjera, për situatën e të drejtave të të rinjve në territorin e tyre.
DRAFT – AXHENDA
ORARI | |
10.00 – 11.00 | Rregjistrimi i Pjesëmarrësve |
11.00 – 11.10 |
Fjala hapëse e takimit – Znj. Fitore Sulejmani Drejtore e Qendrës Multifunksionale Rinore Berat.
|
11.10 – 11.20 |
Përshendetja e Kryetarit të Bashkisë Berat, Z. Ervin Demo – Vizioni i Bashkisë Berat dhe Politikat rinore 2023-2025
|
11.20 – 11.30 | Fjala përshëndetëse e përfaqësuesit të INFOCIP, Z. Gerti Shella “Fuqizimi i strukturave rinore përmes angazhimit publik në procesin e konsultimit të buxhetit” |
11.30 – 12.00 |
Shpjegim i detajuar Projekt-Buxhetit 2023, PBA 2023-2025, me fokus objektivat vendore ne fushen e mbrojtjes dhe te fuqizimit te te rrinjve, Drejtoria e Financave (Rinise), Bashkia Berat.
|
12.00 – 13.00 | Sesion i hapur diskutimi me Pyetje / Përgjigje për evidentimin e problematikësrinorë në nivel vendor dhe për caktimin e prioriteteve buxhetore në zërat(parashikimet) për Rininë.
|
13.00 – 14.00 | Banket / Koktail
|