12 Tetor 2022 / Shkoder, NJ. A Postribe – Me Postribën janë përmbyllur konsultimet publike në njësitë administrative të Bashkisë Shkodër “Për përgatitjen e programit buxhetor afatmesem vendor 2023-2025”. Turizmi dhe Bujqësia janë dy sektorët kryesor ku do të përqëndrohen investimet dhe zbatimi i projekteve të reja. Infrastruktura rrugore, arsimi, shëndetësia do të jenë në fokus të punës per Bashkine Shkoder, paralelisht me rritjen e standartit të shërbimeve. Të ardhurat që mblidhen në çdo njësi administrative, do të përkthehen në investime që zhvillojnë territorin dhe përmirësojnë jetesën e banorëve, duke frenuar fenomenin e emigrimit, kryesisht të rinisë.
